Хитойда ўтган бир сутка ичида коронавирус билан касалланиш бўйича 7 та ва касаллик белгисиз ўтаётган 6 та ҳолат аниқланди, деб хабар бермоқда «Интерфакс» Хитой Соғлиқни сақлаш миллий комиссиясига таяниб.
Қайд этилишича, янги касалланиш ҳолатларининг барчаси четдан юқтирилган.
Жонс Ҳопкинс маълумотларига кўра, мамлакатда коронавирус билан касалланганлар сони 84 917 нафарга етган, шундан 79 754 нафари соғайган, 4641 нафари вафот этган.
Жанубий Кореяда эса сутка давомида 63 кишида коронавирус аниқланиб, мамлакатда жами касалланганлар сони 13 244 нафарга етди.Касалликлар профилактикаси ва назорати маркази (KCDC) маълумотларига кўра, янги касалланиш ҳолатларининг 30 таси мамлакатнинг ўзида, қолганлари четдан юқтирилган.
Жанубий Кореяда коронавирусга чалинганлар сони икки кундан буён 50 минг кишидан ошмаётганди. Бундан аввал эса кунлик касалланганлар сони 60 кишидан ортиқ бўлган.
Жонс Ҳопкинс маълумотларига кўра, мамлакатда вирусдан соғайганлар сони 11 970 кишини, вафот этганлар сони эса 285 кишини ташкил қилмоқда.
Изоҳ (0)