“Yuventus” hujumchisi Krishtianu Ronaldu A Seriya 30-turidan o‘rin olgan “Torino” qarshi bahsda (4:1) gol urdi va bitta golga hammualliflik qildi.
35 yoshli portugaliyalik futbolchi “Yuventus” safida ilk marta to‘g‘ridan to‘g‘ri jarima zarbasidan gol urdi. U o‘yinning 61-daqiqasida bu ishni amalga oshirdi.
“Yuventus” safida barcha musobaqalardagi o‘yinlarini hisobga olganda, buning uchun Ronalduga 43 ta urinish kerak bo‘ldi.
Shuningdek, u joriy mavsumda A Seriyaning 26 o‘yinida gol+pas tizimida ham 30 (25+5) ochko to‘plagan.
Ronaldu 2018-yilning yozidan beri Turin klubi sharafini himoya qilib keladi. Uning klub bilan shartnomasi 2022-yilgacha mo‘ljallangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)