Futbol bo‘yicha Germaniya Kubogining finalidan o‘rin olgan “Bayer” va “Bavariya” jamoalari o‘rtasidagi uchrashuv 4-iyul, shanba kuni bo‘lib o‘tdi.
Birinchi bo‘limda myunxenliklar David Alaba va Serj Gnabrining gollaridan so‘ng oldinga o‘tib oldi. Ikkinchi bo‘limda darvozalar yana to‘rt bor ishg‘ol etildi. Robert Levandovskining dubliga leverkuzenliklar Sven Bender va Kay Havertsning gollari bilan javob qaytardi.
Shu tariqa “Bavariya” o‘z tarixida 20-marta va ketma-ket ikki bor Germaniya Kubogiga ega chiqdi. O‘z tarixida bir marta (1993-yil) kubokni qo‘lga kiritgan “Bayer” esa uchinchi finalni boy berdi (2002, 2009, 2020).
Germaniya Kubogi
Final bahsi
4-iyul, shanba
“Bayer” — “Bavariya” 2:4
Gollar: 0:1 – 16 Alaba, 0:2 – 24 Gnabri, 0:3 – 59 Levandovski, 1:3 – 63 Bender, 1:4 – 89 Levandovski, 2:4 – 90, penalti Haverts.“Bayer”: Gradetski, Vendell, Bender, Tapsoba, Haverts, Arangis, Diabi, Baumgartlinger (Demirbay, 46), Beyli (Belarabi, 76), Amiri (Folland, 46), Bender (Vayzer, 82).
“Bavariya”: Noyer, Pavar, Alaba, Boateng (Lyuka Ernandes, 69), Kimmix, Gnabri (Koutinyo, 87), Devis, Goretska, Koman (Perishich, 64), Levandovski, Myuller (Alkantara, 87).
Ogohlantirishlar: Vendell (28), Levandovski (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)