“Liverpul” hujumchisi Muhammad Saloh Mersisayd klubi safida uzoq vaqt qolishga umid qilayotgani haqida gapirdi.
“Men “Liverpul”ning 30 yillik tanaffusdan so‘ng qo‘lga kiritilgan chempionligidan keyingi hissiyotlarimni izohlab bera olmayman. Judayam xursandman.
Bu joyni yaxshi ko‘raman va “Liverpul”da uzoq vaqt qolishga umid qilaman. Menga bu yerdagi muhit judayam yoqadi, u boshqa yerdagilardan farq qiladi.
Jamoa sifatida yaxshi shakllanganmiz. Bir-birimizni yaxshi tushunamiz. Agar shu yo‘sinda davom etsak, bundan ham ko‘proq narsaga erishishimiz mumkin. Hozirgi darajamizni ushlab turish qiyin, biroq buni amalga oshirsa bo‘ladi”, — deydi Saloh.
28 yoshli misrlik futbolchi Premyer Liganing ushbu mavsumida 28 ta o‘yin o‘tkazib, 17 ta gol urdi va 7 ta golga hammualliflik qildi. Uning klub bilan shartnomasi 2023-yilgacha amal qiladi.
Izoh (0)