“Chelsi”ning “Manchester Siti” ustidan qozongan g‘alabasi (2:1) tufayli “Liverpul” muddatidan oldin Angliya Premyer Ligasi chempioniga aylandi.
Mersisaydliklar shu tariqa klub tarixidagi 43-sovrinni qo‘lga kiritib, ushbu ko‘rsatkich bo‘yicha Angliyada birinchi bo‘lib oldi va “Manchester Yunayted”ni ortda qoldirdi.
“Liverpul” uchun bu Premyer Ligadagi 19-chempionlik bo‘ldi. Shuningdek, “qizillar”ning hisobida 7 ta Angliya Kubogi, 8 ta Liga Kubogi va 9 ta Yevrokubok sovrini bor.
“Manchester Yunayted” esa 20 marta Angliya chempionatida, 12 bor mamlakat Kubogida hamda 5 martadan Liga Kubogi va Yevrokuboklarda g‘olib chiqqan. Jami — 42 ta sovrin.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)