“Real” La Liganing yaqin kunlardan o‘rin olgan taqvimidan norozi ekanini bildirgan, deb xabar bermoqda AS.
Manbaga ko‘ra, klub Ispaniya chempionatining 33 va 34-turlaridagi o‘yinlar jadvalini adolatsiz deb hisoblaydi.
33-turda “Barselona” 30-iyun sanasida Toshkent vaqti bilan soat 01:00 da “Atletiko”ga qarshi bahs yuritadi. “Real” esa 2-iyul kuni soat 01:00 da “Xetafe”ni qabul qiladi.
34-turda “Real” “Barselona”dan oldinroq o‘yin o‘tkazadi: 5-iyul, soat 17:00 “Atletik” bilan, katalon klubi esa 5-iyul, soat 01:00 da “Vilyarreal” bilan kuch sinashadi.
“Real” 33 va 34-turlar oralig‘ida “Barselona”ga nisbatan tiklanish uchun 56 soat kamroq vaqt sarflashidan norozi bo‘lmoqda (“Real” 62 soat, “Barselona” 118).
Ma’lumot uchun, 30-turdan keyin har ikkala jamoa hisobida 65 ochko mavjud. “Real” o‘zaro o‘yinlar natijasiga ko‘ra “Barselona”ni ortda qoldirmoqda.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)