O‘zbekiston hududida 22-iyun kuni havo harorati 39-42 darajagacha, janubiy viloyatlarda hamda Navoiy va Buxoro viloyatlarining cho‘l hududlarida 43-44 darajagacha ko‘tariladi, bunday harorat shu kun uchun xos bo‘lgan o‘rtacha ko‘p yillik qiymatlardan 5-8 darajaga yuqori. Bu haqda “O‘zgidromet” xabar berdi.
Ma’lum qilinishicha, 23-iyunda O‘zbekistonda yog‘ingarchilik kutilmaydi. Faqat Toshkent viloyatida ertalab va kechqurun, shuningdek, Toshkent, Andijon, Namangan va Farg‘ona viloyatlarining tog‘oldi va tog‘li tumanlarida ayrim joylarga qisqa muddatli yomg‘ir yog‘ishi va momaqaldiroq bo‘lishi mumkin. Kunduzgi harorat sezilarli pasayadi va 35-40 daraja atrofida, janubda va cho‘l hududlarida 42 daraja issiq bo‘ladi. Havo oqimining o‘zgarishi bilan shamolning tezligi soniyasiga 15-20 metrgacha kuchayadi.
24—25-iyun kunlari respublika hududida ob-havo yog‘ingarchiliksiz bo‘ladi. Harorat kechasi 19-24 daraja, kunduzi 35-40 daraja issiq bo‘ladi.
26-iyunda mamlakat shimoliga, 27-iyunda qolgan hududlarga Volgabo‘yidan sovuq antitsiklonning kirib kelishi kutilmoqda. Havo harorati 8-10 darajaga pasayib, 27-30 darajani tashkil qiladi. Qayd etilishicha, bu me’yoriy haroratdan 5-6 darajaga past, tungi harorat esa 19-24 daraja bo‘ladi. Sovuq havo front o‘tishi bilan yana shamol kuchayib, soniyasiga 15-20 metr tezlikda esishi kutilmoqda.
Izoh (0)