Adliya vazirligi 2020-yil 1-apreldan Toshkent shahri va Toshkent viloyatida propiskasi bo‘lmagan fuqarolar ham ko‘chmas mulk sotib olish imkoniyatiga ega bo‘lishi natijasida 70 kun davomida qancha uy xarid qilingani haqida ma’lumot berdi.
Vazirlik axborot xizmatining qayd etishicha, o‘tgan vaqt oralig‘ida Toshkent shahridan 12 799 ta, Toshkent viloyatidan esa 2 052 ta uy-joy oldi-sotdi bitimlari notarial idoralarda rasmiylashtirilgan.
Notarial idoralar tomonidan ushbu davrda bu hududlarda jami rasmiylashtirilgan uy-joy oldi-sotdi bitimlarining deyarli 70 foizini aynan propiskasi boshqa hududlarda bo‘lgan fuqarolar ishtirokidagi bitimlarga to‘g‘ri keladi.
Mavzuga doir: Xodimlarini Toshkentda propiskaga qo‘yish uchun iltimosnoma kiritadigan tashkilotlar soni yana 5 taga ko‘paydi
Xususan, ko‘plab fuqarolar uyni Toshkentda propiskasi bo‘lgan tanishi nomiga rasmiylashtirib, keyin o‘z uyida ijarachi bo‘lib yashashga majbur bo‘lganligi ham sir emas. Farmon qabul qilinishi bilan yaratilgan imkoniyatdan birinchi navbatda shunday fuqarolar foydalanib, uylarini o‘z nomiga rasmiylashtirdi.
Qabul qilingan farmon fuqarolarning erkin ko‘chib yurish va uy-joyga ega bo‘lish kabi muhim huquqlari kafolatini ta’minlashda tub burilish yasadi”, – deyilgan xabarda.
Mavzuga doir:
- O‘zbekistonda propiska tizimiga kiritilgan o‘zgartirishlar bekor qilinishi haqidagi xabarlar rad etildi
- Toshkentda “propiska”si yo‘qlar ham uy oldi-sotdisini notarial tasdiqlatishi mumkin bo‘ldi
- Sherzod Shermatov propiska islohotiga qadar 6 mingdan ortiq pedagog yillar davomida qiynalib kelganini aytdi
Izoh (0)