Адлия вазирлиги 2020 йил 1 апрелдан Тошкент шаҳри ва Тошкент вилоятида пропискаси бўлмаган фуқаролар ҳам кўчмас мулк сотиб олиш имкониятига эга бўлиши натижасида 70 кун давомида қанча уй харид қилингани ҳақида маълумот берди.
Вазирлик ахборот хизматининг қайд этишича, ўтган вақт оралиғида Тошкент шаҳридан 12 799 та, Тошкент вилоятидан эса 2 052 та уй-жой олди-сотди битимлари нотариал идораларда расмийлаштирилган.
Нотариал идоралар томонидан ушбу даврда бу ҳудудларда жами расмийлаштирилган уй-жой олди-сотди битимларининг деярли 70 фоизини айнан пропискаси бошқа ҳудудларда бўлган фуқаролар иштирокидаги битимларга тўғри келади.
Мавзуга доир: Ходимларини Тошкентда пропискага қўйиш учун илтимоснома киритадиган ташкилотлар сони яна 5 тага кўпайди
Хусусан, кўплаб фуқаролар уйни Тошкентда пропискаси бўлган таниши номига расмийлаштириб, кейин ўз уйида ижарачи бўлиб яшашга мажбур бўлганлиги ҳам сир эмас. Фармон қабул қилиниши билан яратилган имкониятдан биринчи навбатда шундай фуқаролар фойдаланиб, уйларини ўз номига расмийлаштирди.
Қабул қилинган фармон фуқароларнинг эркин кўчиб юриш ва уй-жойга эга бўлиш каби муҳим ҳуқуқлари кафолатини таъминлашда туб бурилиш ясади», – дейилган хабарда.
Мавзуга доир:
Изоҳ (0)