Toshkent tibbiyot akademiyasining ko‘p tarmoqli klinikasida koronavirus infeksiyasiga chalingan 35 nafar bemor sog‘ayib, 18-iyun kuni o‘z uyiga kuzatildi, deb xabar bermoqda SSV matbuot xizmati.
Tuzalganlarning 26 nafari erkak, 9 nafari ayol bo‘lib, yoshi kattasi 63 yoshda, kichigi esa 18 yoshda. Hududlar kesimida olinsa, Toshkent viloyatidan 7 nafar, Farg‘ona viloyatidan 6 nafar, Toshkent shahri va Jizzax viloyatidan 5 nafardan, Surxondaryo viloyatidan 4 nafar, Qoraqalpog‘iston Respublikasi, Sirdaryo va Qashqadaryo viloyatlaridan 2 nafardan, Xorazm va Namangan viloyatlaridan 1 nafardan.
Endilikda Toshkentda koronavirusdan tuzalganlar soni 2097 nafarga yetdi.
Ayni paytda O‘zbekiston bo‘ylab koronavirusdan sog‘ayganlar soni 4166 nafarni tashkil etmoqda.
Kasallanganlarning umumiy soni esa 18-iyun soat 10:00 holatiga ko‘ra 5697 nafarga yetdi, bemorlarning 19 nafari kasallik asoratlari oqibatida vafot etgan.
Izoh (0)