O‘zbekistonda 200 va 500 so‘mlik qog‘oz pullar 2020-yil 1-iyuldan muomaladan chiqariladi. Markaziy bank aholiga o‘z ixtiyorida bo‘lgan mazkur banknotlarni muomaladagi pul belgilariga almashtirib olish kerakligini eslatib o‘tdi.
Markaziy bank tomonidan qayd etilishicha, 2020-yil 1-iyuldan boshlab
- 1997-yil namunasidagi 200 so‘mlik;
- 1999-yil namunasidagi 500 so‘mlik banknotlar qonuniy to‘lov vositasi sifatida o‘z kuchini yo‘qotadi.
Eslatib o‘tamiz, O‘zbekistonda 2019-yil 1-iyuldan boshlab Markaziy bankning eski namunadagi (2001—2002, 2004 va 2009-yillar namunasidagi) 50 so‘mlik, 100 so‘mlik tangalari hamda (1994-yil namunasidagi) 50 so‘mlik va 100 so‘mlik banknotlari to‘lov qobiliyatini yo‘qotgandi va muomaladan chiqarilgandi.
Izoh (0)