Ўзбекистонда 200 ва 500 сўмлик қоғоз пуллар 2020 йил 1 июлдан муомаладан чиқарилади. Марказий банк аҳолига ўз ихтиёрида бўлган мазкур банкнотларни муомаладаги пул белгиларига алмаштириб олиш кераклигини эслатиб ўтди.
Марказий банк томонидан қайд этилишича, 2020 йил 1 июлдан бошлаб
- 1997 йил намунасидаги 200 сўмлик;
- 1999 йил намунасидаги 500 сўмлик банкнотлар қонуний тўлов воситаси сифатида ўз кучини йўқотади.
Эслатиб ўтамиз, Ўзбекистонда 2019 йил 1 июлдан бошлаб Марказий банкнинг эски намунадаги (2001—2002, 2004 ва 2009 йиллар намунасидаги) 50 сўмлик, 100 сўмлик тангалари ҳамда (1994 йил намунасидаги) 50 сўмлик ва 100 сўмлик банкнотлари тўлов қобилиятини йўқотганди ва муомаладан чиқарилганди.
Изоҳ (0)