Buxoro viloyati G‘ijduvon tumanidagi “Sarmijon” yo‘l-patrul maskanida Toshkent—Buxoro yo‘nalishi bo‘ylab harakatlanib ketayotgan Isuzu yuk mashinasi yo‘lovchisining yonida qariyb 2 kilogramm opiy giyohvandlik moddasi topildi. Bu haqda DXX matbuot xizmati “Daryo”ga ma’lum qildi.
Ma’lumotlarga ko‘ra, Isuzu yukxonasida olib ketilayotgan qurilish mollari orasidan 1,87 kilogramm opiy giyohvandlik moddasi topilgan va u mashinada yo‘lovchi sifatida ketayotgan 1966-yil Qorako‘l tumanida tug‘ilgan G‘.B. ismli shaxsga tegishli ekanligi aniqlangan.
Dastlabki surishtiruv harakatlari davomida G‘.B. Tojikistondan olib kelingan ushbu giyohvandlik moddasini Surxondaryo viloyati Denov tumanida yashovchi 59 yoshli I.Y. ismli fuqarodan 12 ming AQSh dollariga sotib olganligi ma’lum qilgan.
Ta’kidlanishicha, shundan so‘ng I.Y. ham qo‘lga olingan.
Hozirda aniqlangan barcha holatlar yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.
Izoh (0)