13-iyun kuni Favqulodda vaziyatlar vazirligi akademiyasida bitiruvchi kursantlarga diplom va leytenant unvonini tantanali topshirish tadbiri o‘tkazildi. Bu haqda FVV akademiyasi “Daryo”ga ma’lum qildi.
Tantanali tadbirda Prezident maslahatchisi, Favqulodda vaziyatlar vaziri vazifasini bajaruvchi general-leytenant Tursinxon Xudoyberganov, mutasaddi vazirlik va idoralar rahbarlari, akademiya professor-o‘qituvchilari, kursantlar hamda OAV vakillari ishtirok etdi.
Bitiruv marosimida general-leytenant Tursinxon Xudoyberganov hamda akademiya boshlig‘i general-polkovnik Qobul Berdiyev so‘zga chiqib, oliy ma’lumotli mutaxassis kadrlarni yetuk, mas’uliyat va burchini chuqur his qiladigan hamda o‘z kasbini sevadigan, fidoyi insonlar qilib tarbiyalash uchun barcha imkoniyatlarni yaratib berilayotganini ta’kidladi.
Tadbir davomida bitiruvchilarga diplom va leytenant unvoni generallar tomonidan tantanali ravishda topshirildi.
Izoh (0)