Respublika maxsus komissiyasining qaroriga muvofiq, 15-iyundan quyidagi toifadagi shaxslarga aviaqatnovlar orqali sanitariya-epidemiologik vaziyat barqaror bo‘lgan davlatlarga O‘zbekistondan kirish va chiqishga ruxsat berildi:
- xorijiy davlatlar diplomatik vakolatxonalari va konsullik muassasalari xodimlari hamda ularning oila a’zolari;
- investitsiya loyihalari doirasidagi O‘zbekistonda faoliyat yuritayotgan xorijiy kompaniya va boshqa tashkilotlar mutaxassislari;
- davolanish uchun kelayotgan (chiqayotgan) shaxslar;
- xorijda yaqin qarindoshlari yoxud og‘ir kasal bo‘lgan qarindosh-urug‘lari mavjud bo‘lgan shaxslar;
- xorijiy davlatlar diplomatik vakolatxonalari va konsullik muassasalari so‘rovlariga asosan, O‘zbekiston orqali boshqa davlatlarga olib o‘tilayotgan (tranzit harakatlanayotgan) shaxslar;
- O‘zbekistonda doimiy ro‘yxatdan o‘tgan xorijiy davlat fuqarolari, doimiy yashovchi fuqaroligi bo‘lmagan shaxslar, shuningdek, xorijiy davlatda doimiy ro‘yxatdan o‘tgan O‘zbekiston fuqarolari.
Izoh (0)