Futbol bo‘yicha Ispaniya La Ligasining 28-turida Madridning “Atletiko” klubi 14-iyun, yakshanba kuni “Atletik” maydoniga safar qildi.
Keskin kurashlarga va xavfli vaziyatlarga boy bo‘lgan uchrashuvda dastlab mezbonlar Iker Muniainning 37-daqiqada kiritgan goli evaziga hisobda oldinga chiqib oldi. Biroq Bilbao klubining xursandchiligi uzoqqa cho‘zilmadi, oradan ikki daqiqa o‘tar-o‘tmas Diyego Kosta darvozabon bilan birga-bir vaziyatga chiqib, hisobni tenglashtirdi. Shundan so‘ng jamoalar har qancha urinmasin hisob o‘zgarmadi.
Shu tariqa, mazkur natijadan keyin Madrid klubi ochkolari sonini 46 taga yetkazib olib 4-pog‘onadagi “Xetafe”ga yetib olgan bo‘lsa, “Atletik” 38 ochko to‘plagan holda 10-pog‘onadan joy olgan.
La Liga
28-tur bahsi
14-iyun, yakshanba
“Atletik” — “Atletiko” 1:1
Gollar: 1:0 – 37 Muniain, 1:1 – 39 Diyego Kosta“Atletik”: Unai Simon, Yeray Alvares, Berchiche (Nunyes, 83), Martines, Kapa, Unai Lopes, Dani Garsiya, Kordoba (Sanset, 63), Raul Garsiya, Muniain (de Markos, 83), Uilyams (Kodro, 90+1).
“Atletiko”: Oblak, Ximenes, Lodi, Trippyer (Arias, 63), Savich, Saul, Lyorente (Korrea, 68), Tomas, Ferreyra Karrasko (Lemar, 63), Koke (Errera, 78), Diyego Kosta (Morata, 63).
Ogohlantirishlar: Muniain (7), Uilyams (41), Martines (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)