Футбол бўйича Испания Ла Лигасининг 28-турида Мадриднинг «Атлетико» клуби 14 июнь, якшанба куни «Атлетик» майдонига сафар қилди.
Кескин курашларга ва хавфли вазиятларга бой бўлган учрашувда дастлаб мезбонлар Икер Муниаиннинг 37-дақиқада киритган голи эвазига ҳисобда олдинга чиқиб олди. Бироқ Бильбао клубининг хурсандчилиги узоққа чўзилмади, орадан икки дақиқа ўтар-ўтмас Диего Коста дарвозабон билан бирга-бир вазиятга чиқиб, ҳисобни тенглаштирди. Шундан сўнг жамоалар ҳар қанча уринмасин ҳисоб ўзгармади.
Шу тариқа, мазкур натижадан кейин Мадрид клуби очколари сонини 46 тага етказиб олиб 4-поғонадаги «Хетафе»га етиб олган бўлса, «Атлетик» 38 очко тўплаган ҳолда 10-поғонадан жой олган.
Ла Лига
28-тур баҳси
14 июнь, якшанба
«Атлетик» — «Атлетико» 1:1
Голлар: 1:0 – 37 Муниаин, 1:1 – 39 Диего Коста«Атлетик»: Унаи Симон, Йерай Альварес, Берчиче (Нуньес, 83), Мартинес, Капа, Унаи Лопес, Дани Гарсия, Кордоба (Сансет, 63), Рауль Гарсия, Муниаин (де Маркос, 83), Уильямс (Кодро, 90+1).
«Атлетико»: Облак, Хименес, Лоди, Триппьер (Ариас, 63), Савич, Сауль, Льоренте (Корреа, 68), Томас, Феррейра Карраско (Лемар, 63), Коке (Эррера, 78), Диего Коста (Мората, 63).
Огоҳлантиришлар: Муниаин (7), Уильямс (41), Мартинес (84).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)