Amerikaning Top Rank promouterlik kompaniyasi bosh direktori Bob Arumning ta’kidlashicha, sakkiz vazn toifasida Jahon chempioni Menni Pakyao 2022-yilda Filippinda bo‘lib o‘tadigan prezidentlik sayloviga o‘z nomzodini qo‘ymoqchi.
“Menimcha, kichkina Menni Pakyao prezident bo‘lgan birinchi bokschi bo‘ladi. Uning o‘zi menga bu haqda aytib berdi.
Men u bilan Zoom ilovasi orqali gaplashdim. U menga shunday dedi: ‘Bob, men 2022-yilgi Filippin prezidentlik saylovlarida o‘z nomzodimni qo‘ymoqchiman. Men prezident bo‘lganimda, inauguratsiya marosimida (qasamyod qabul qilish) ishtirok etishingni xohlayman’”, — deydi Bob Arum.
Ma’lumot uchun, Filippindagi prezidentlik saylovlari 2022-yilning 9-may sanasida bo‘lib o‘tadi. 41 yoshli Pakyao 2009-yildan beri o‘z mamlakatining vakillar palatasi a’zosi hisoblanadi.
U faoliyati davomida 71 ta jang o‘tkazib, shulardan 62 (39 ta nokaut) tasida g‘alaba qozongan, 7 tasida mag‘lubiyatga uchragan bo‘lsa, 2 marotaba murosa yo‘lini tanlagan. U oxirgi jangini 2019-yilning yozida amerikalik Kit Turmanga qarshi o‘tkazib, ochkolar hisobiga g‘alabani qo‘lga kiritgan.
Izoh (0)