Tushlikka turkcha palov — vermishelli osh tayyorlab ko‘ring

Turkiyada mazkur taom palov deb atalib, go‘shtli yoki sabzavotli ovqatlarga garnir sifatida dasturxonga tortiladi.

Quyidagi mahsulotlar kerak bo‘ladi:

• O‘simlik yog‘i — 4 osh qoshiq
• Vermishel — 120 gr
• Guruch — 200 gr (yirik guruchdan foydalanish tavsiya etiladi)
• Soya sousi — 3 osh qoshiq
• Suv — 500 ml
• Sarimsoq piyoz
• Ziravorlar

• Qizigan yog‘da vermishel tillarang tusga kirgunicha qovuring, guruchni ham soling va aralashtiring.
• Olovni pasaytirib, soya, ziravor va maydalangan sarimsoqni qo‘shing.
• Suv solib, qaynating.
• Qaynab chiqqanidan keyin qopqog‘ini yopib, 15-20 daqiqa dimlang.
• Olovni o‘chiring va 5-7 daqiqacha qopqog‘ini ochmang.