Kechki ovqatga kavkazcha xashlama pishiring

Xashlama —​ kavkaz oshxonasiga mansub, mashhur taomlardan biri hisoblanadi.

Taom uchun quyidagi mahsulotlar kerak:

• Suyakli mol go‘shti — 500 gr
• Ko‘katlar
• Lavr yaprog‘i — 3 dona
• Piyoz — 1 dona
• Sabzi —1 dona
• Pomidor — 200 gr
• Ziravorlar ta’bga ko‘ra
• Timyan ta’bga ko‘ra
• Sarimsoq piyoz — 2 dona

• Go‘shtni yirik shaklda to‘g‘​rab qozonga soling.
• Sabzi, piyozni o‘rtasidan ikkiga bo‘ling, ko‘katlarni ham yirik-yirik qilib to‘g‘rang.
• To‘g‘ralgan sabzavotlarni go‘sht ustiga soling.
• Qozonga masalliqlar ustini qoplaydigan miqdorda suv soling.
• Sho‘rva qaynab chiqqanidan keyin ko‘piklarini olib, past olovda 1 soat qaynating.
• Piyoz va pomidorni yarim dumaloq shaklda to‘g‘rang.
• Sho‘rvaga ta’bga ko‘ra ziravor, timyan va lavr yaprog‘i qo‘shing.
• To‘g‘ralgan piyoz va pomidorni ham qo‘shing.
• Qozon qopqog‘ini yopib, 2,5-3 soat davomida dimlab pishiring.
• Petrushka va sarimsoq piyozni to‘g‘rang va ovqat suzilganidan keyin solib aralashtiring.