Xitoyda so‘nggi sutkada koronavirus bilan kasallanish bo‘yicha 5 ta va kasallik belgisiz o‘tayotgan 3 ta holat qayd etildi. Bemorlarning 8 nafari sog‘aydi, vafot etish holatlari qayd etilmadi, deb xabar bermoqda “RIA Novosti” Xitoy Sog‘liqni saqlash milliy komissiyasiga tayanib.
Qayd etilishicha, yangi kasallanish holatlarining barchasi chetdan yuqtirilgan.
Mamlakatda umumiy hisobda 83 027 kishi koronavirusga chalingan. Bemorlarning 78 327 nafari sog‘aygan, 4 634 nafari vafot etgan. Kasalxonalarda 66 nafar bemor qolmoqda.
Shuningdek, sutka davomida 3 kishi infeksiyani belgisiz tashuvchi sifatida qayd etilgan. Shunday kishilarning yana 297 nafari shifokorlar nazoratida bo‘lib turibdi.
Janubiy Koreyada esa sutka davomida 39 kishi koronavirusga chalingani qayd etilib, kasallanganlarning umumiy soni 11 668 nafarga yetdi, deb xabar bermoqda “RIA Novosti” mamlakat Sog‘liqni saqlash vazirligi huzuridagi Kasalliklar nazorati va profilaktikasi markazi (KCDC) ma’lumotlariga tayanib.
May oyidan buyon kasallikning yangi o‘choqlari bemorlar sonining oshishiga olib kelmoqda. 28-mayda kunlik kasallanishlar soni 79 kishiga yetgandi, so‘nggi haftada esa bu ko‘rsatkich 30-50 kishi atrofida bo‘lib turibdi.
So‘nggi sutkada 7 kishi koronavirusdan sog‘ayib chiqib, tuzalganlarning umumiy soni 10 506 nafarga yetdi. Kasallikdan vafot etganlar soni o‘zgarmagan — 273 kishini tashkil qilmoqda.
Xabarda aytilishicha, Janubiy Koreyaning ayrim aholisi uzoq vaqt davomida o‘zini yakkalash va ijtimoiy masofalanish rejimi oqibatida depressiyaga tushishni boshladi. Hukumat COVID-19 oqibatida qiyinchilikka duch kelganlarga psixologik yordam ko‘rsatish uchun yanvar oyidayoq ishonch telefonini yo‘lga qo‘ygan.
Izoh (0)