Loyihalar va meroslar bo‘yicha Qatar Oliy qo‘mitasi 4-iyun kuni 2022-yilgi Jahon chempionati uchun qurilgan “Eduсation Сity Stadium” stadioni belgilangan muddatda qurib bitkazilganligini ma’lum qildi, deb xabar beradi Gulf Times.
Ar-Rayyandagi stadion Dohadagi “Xalifa” arenasi muvaffaqiyatli rekonstruksiya qilingandan va Al-Vakradagi “Al-Janub” stadionining ochilishidan keyingi uchinchi joydir. Stadion o‘z bag‘riga 45 350 nafar muxlisni sig‘dira oladi. “Education City stadium” universitet shaharchasining markaziga aylanishi kutilmoqda.
Mavzuga doir: Fotomaqola: JCh—2022 ning qurib bitkazilgan ilk stadioni — “Al-Janub”. U qatarliklarga yarim milliard dollardan ortiqqa tushdi
Tashkiliy qo‘mitaning ta’kidlashicha, JCh—2022 uchun arenalarni tayyorlash ishlari belgilangan muddatdan ilgarilab ketmoqda. Yana uchta stadionning 2020-yil oxiriga qadar qurib bitkazilishi rejalashtirilgan. Qolgan arenalar ham mundial boshlanishiga qadar tayyor bo‘lishi aytilmoqda.
Eslatib o‘tamiz, Qatarda bo‘lib o‘tadigan 2022-yilgi Jahon Chempionati o‘yinlari noyabr va dekabr oylarida o‘tkaziladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)