Лойиҳалар ва мерослар бўйича Қатар Олий қўмитаси 4 июнь куни 2022 йилги Жаҳон чемпионати учун қурилган «Eduсation Сity Stadium» стадиони белгиланган муддатда қуриб битказилганлигини маълум қилди, деб хабар беради Gulf Times.
Ар-Райяндаги стадион Доҳадаги «Халифа» аренаси муваффақиятли реконструкция қилингандан ва Ал-Вакрадаги «Ал-Жануб» стадионининг очилишидан кейинги учинчи жойдир. Стадион ўз бағрига 45 350 нафар мухлисни сиғдира олади. «Eduсation Сity Stadium» университет шаҳарчасининг марказига айланиши кутилмоқда.
Мавзуга доир: Фотомақола: ЖЧ—2022 нинг қуриб битказилган илк стадиони — «Ал-Жануб». У қатарликларга ярим миллиард доллардан ортиққа тушди
Ташкилий қўмитанинг таъкидлашича, ЖЧ—2022 учун ареналарни тайёрлаш ишлари белгиланган муддатдан илгарилаб кетмоқда. Яна учта стадионнинг 2020 йил охирига қадар қуриб битказилиши режалаштирилган. Қолган ареналар ҳам мундиал бошланишига қадар тайёр бўлиши айтилмоқда.
Эслатиб ўтамиз, Қатарда бўлиб ўтадиган 2022 йилги Жаҳон Чемпионати ўйинлари ноябрь ва декабрь ойларида ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)