Boks bo‘yicha og‘ir vazn toifasida sobiq Jahon chempioni Aleksandr Povetkin va ushbu vazn toifasida vaqtinchalik chempion Dillian Uayt o‘rtasidagi jang 15-avgust sanasiga qoldirildi.
Dastlab, ushbu jang 2-may kuni Manchesterda o‘tkazilishi rejalashtirilgan edi, ammo koronavirus pandemiyasi tufayli 4-iyul sanasiga qoldirilgandi.
Jang Brentvuddagi (Angliya) Matchroom Boxing kompaniyasining shtab-kvartirasida bo‘lib o‘tadi. Jang g‘olibi WBC’ning og‘ir vazn toifasida vaqtinchalik chempion unvonini qo‘lga kiritadi.
Dillian Uaytning hisobida 28 jang, 27 ta g‘alaba (18 ta nokaut) va 1 ta mag‘lubiyat bo‘lsa, Povetkin faoliyati davomida 38 marta ringga ko‘tarilib, shulardan 35 tasida g‘alaba qozongan (24 ta nokaut), 2 tasida mag‘lubiyatga uchragan va 1 bor murosa yo‘lini tanlagan.
Izoh (0)