Бокс бўйича оғир вазн тоифасида собиқ Жаҳон чемпиони Александр Поветкин ва ушбу вазн тоифасида вақтинчалик чемпион Диллиан Уайт ўртасидаги жанг 15 август санасига қолдирилди.
Дастлаб, ушбу жанг 2 май куни Манчестерда ўтказилиши рэжалаштирилган эди, аммо коронавирус пандемияси туфайли 4 июль санасига қолдирилганди.
Жанг Брентвуддаги (Англия) Matchroom Boxing компаниясининг штаб-квартирасида бўлиб ўтади. Жанг ғолиби WBC’нинг оғир вазн тоифасида вақтинчалик чемпион унвонини қўлга киритади.
Диллиан Уайтнинг ҳисобида 28 жанг, 27 та ғалаба (18 та нокаут) ва 1 та мағлубият бўлса, Поветкин фаолияти давомида 38 марта рингга кўтарилиб, шулардан 35 тасида ғалаба қозонган (24 та нокаут), 2 тасида мағлубиятга учраган ва 1 бор муроса йўлини танлаган.
Изоҳ (0)