Janubiy Koreya armiyasi safida xizmat qilgan “Tottenhem” hujumkor yarim himoyachisi Son Hyon Min orttirgan tajribalari haqida gapirdi. Son uch haftani armiya lagerida o‘tkazdi. Bu Angliya chempionatining koronavirus pandemiyasi tufayli to‘xtab qolgan vaqtiga to‘g‘ri kelgandi. Janubiy Koreya armiyasi futbolchining o‘quv-mashg‘ulot yig‘inidagi xizmatlarini yuqori baholab, unga maxsus mukofot topshirdi.
“Yaxshigina tajriba orttirdim. U yerda nimalar qilganimni aytolmayman, ammo harbiy xizmat menga yoqdi. Uch hafta og‘ir o‘tdi.
Dastlabki kunlarda biz bir-birimizni yaxshi tanimasdik, shu bois biroz g‘alati bo‘ldi. Ammo tez orada tanishib oldik. Kunni birga o‘tkazishimiz kerak, xonada esa 10 kishi edik. Shuning uchun bir-birimiz bilan yaqin bo‘lib ketdik.
Hammamiz birga ishladik va bir-birimizga yordam berdik. Avvaliga yigitlar men bilan gaplashishga qiynalishdi, uyalishdi. Lekin keyinchalik barchasi o‘z iziga tushdi va biz vaqtimizni chog‘ o‘tkazdik”, — deydi Son.
Son Hyon Min 2015-yilda Germaniyaning “Bayer” klubidan “shporlar” safiga o‘tgan. U joriy mavsumda APLning 21 o‘yinida maydonga tushib, 9 ta gol urdi va 8 ta golga hammualliflik qildi. Uning London klubi bilan kelishuvi mavsum oxirida o‘z nihoyasiga yetadi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)