Жанубий Корея армияси сафида хизмат қилган «Тоттенҳэм» ҳужумкор ярим ҳимоячиси Сон Ҳён Мин орттирган тажрибалари ҳақида гапирди. Сон уч ҳафтани армия лагерида ўтказди. Бу Англия чемпионатининг коронавирус пандемияси туфайли тўхтаб қолган вақтига тўғри келганди. Жанубий Корея армияси футболчининг ўқув-машғулот йиғинидаги хизматларини юқори баҳолаб, унга махсус мукофот топширди.
«Яхшигина тажриба орттирдим. У ерда нималар қилганимни айтолмайман, аммо ҳарбий хизмат менга ёқди. Уч ҳафта оғир ўтди.
Дастлабки кунларда биз бир-биримизни яхши танимасдик, шу боис бироз ғалати бўлди. Аммо тез орада танишиб олдик. Кунни бирга ўтказишимиз керак, хонада эса 10 киши эдик. Шунинг учун бир-биримиз билан яқин бўлиб кетдик.
Ҳаммамиз бирга ишладик ва бир-биримизга ёрдам бердик. Аввалига йигитлар мен билан гаплашишга қийналишди, уялишди. Лекин кейинчалик барчаси ўз изига тушди ва биз вақтимизни чоғ ўтказдик», — дейди Сон.
Мавзуга доир: Фото: Жанубий Кореяда ҳарбий хизмат ўтаётган Сон Ҳён Мин
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)