Honor kompaniyasining yangi Play 4 modelida o‘ziga xos funksiya paydo bo‘ladi. Qurilmaga infraqizil datchik o‘rnatiladi va uning yordamida foydalanuvchining tana haroratini o‘lchash mumkin, deb xabar beradi Gizmochina.
Bu haqda Honor Play 4’ning so‘nggi tizer-posterida shama qilingan. Unda tana haroratini o‘lchashga mo‘ljallangan infraqizil sensorni payqash mumkin. Bu kabi funksiya gadjetda paydo bo‘lishini taxmin qilish qiyin emas.
Shuningdek, Honor mahsulotlari menejeri Veyu Syaolun brendning yangi modeliga oid boshqa tafsilotlarni ham oshkor qilgan. Qurilma ichki 5G-modemga ega Kirin 990 protsessorida ishlaydi. Infraqizil datchikning mavjudligi smarton yordamida uydagi qurilmalarni boshqarish imkonini beradi, masalan, televizorni. Gadjetning boshqa texnik tavsiflari ochiqlanmagan. Mazkur model taqdimoti 3-iyun kuni bo‘lib o‘tadi.
Izoh (0)