Honor компаниясининг янги Play 4 моделида ўзига хос функция пайдо бўлади. Қурилмага инфрақизил датчик ўрнатилади ва унинг ёрдамида фойдаланувчининг тана ҳароратини ўлчаш мумкин, деб хабар беради Gizmochina.
Бу ҳақда Honor Play 4’нинг сўнгги тизер-постерида шама қилинган. Унда тана ҳароратини ўлчашга мўлжалланган инфрақизил сенсорни пайқаш мумкин. Бу каби функция гаджетда пайдо бўлишини тахмин қилиш қийин эмас.
Шунингдек, Honor маҳсулотлари менежери Вэю Сяолун бренднинг янги моделига оид бошқа тафсилотларни ҳам ошкор қилган. Қурилма ички 5G-модемга эга Kirin 990 процессорида ишлайди. Инфрақизил датчикнинг мавжудлиги смартон ёрдамида уйдаги қурилмаларни бошқариш имконини беради, масалан, телевизорни. Гаджетнинг бошқа техник тавсифлари очиқланмаган. Мазкур модель тақдимоти 3 июнь куни бўлиб ўтади.
Изоҳ (0)