Samarqand viloyatida kollej yotoqxonasi o‘rnida tashkil qilingan ijtimoiy uy kommendanti ushbu binodan bir xonali xonadon ajratishni va’da qilib, fuqaroni aldashga uringan. Bu haqda Bosh prokuratura axborot xizmati “Daryo”ga ma’lum qildi.

Foto: “Daryo”

Bosh prokuratura huzuridagi Departamentning Samarqand viloyati boshqarmasi tomonidan DXX xodimlari bilan hamkorlikda o‘tkazilgan tezkor tadbirda Samarqand Agroiqtisodiyot kasb-hunar kolleji yotoqxonasi o‘rnida tashkil qilingan ijtimoiy uy komendanti L.B. fuqaro S.X.ning ishonchiga kirib, yuqori lavozimda ishlovchi tanishlari orqali mazkur kollej yotoqxonasidan bir xonali xonadonni olib berish evaziga 4 ming AQSh dollari miqdorida pulni olgan vaqtida ashyoviy dalil bilan ushlangan.

Mazkur holat yuzasidan L.B.ga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.