Samarqand viloyati Urgut tumanida noqonuniy tarzda xorijiy valyutani fuqarolarga sotayotgan valyutafurush qo‘lga tushdi. Bu haqda Bosh prokuratura axborot xizmati xabar qilgan.
Unga ko‘ra, Bosh prokuratura huzuridagi Departamentning Urgut tuman bo‘limi tomonidan DXX xodimlari bilan hamkorlikda valyuta qimmatliklarining noqonuniy muomalaga kiritilishining oldini olish borasida tezkor tadbir o‘tkazilgan. Unda M.I. fuqaro U.S.ga 5 ming AQSh dollarini 51 million so‘mga sotgan vaqtida ushlangan, tadbir davomida 5 ming 770 AQSh dollari, 200 Rossiya rubli hamda 3,7 million so‘m mablag‘ ashyoviy dalil sifatida rasmiylashtirib olingan.
Holat yuzasidan M.I.ga nisbatan Jinoyat kodeksining tegishli moddasi bilan jinoyat ishi qo‘zg‘atilgan.
Izoh (0)