Xorazmda opiy narkotik moddasini sotish maqsadida yonida olib yurgan ikki nafar narkokuryer hibsga olindi. Bu haqda Davlat bojxona qo‘mitasi axborot xizmati xabar qilgan.
Xabarga ko‘ra, Xorazm viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi hamda Davlat xavfsizlik xizmati viloyat boshqarmasi xodimlari bilan hamkorlikda Xorazm viloyati Gurlan tumani hududida o‘tkazilgan “Qoradori—2020” tezkor tadbiri davomida Sholikor qishlog‘idan o‘tuvchi yo‘l bo‘yida to‘xtab turgan Lacetti xolislar ishtirokida xizmat iti yordamida ko‘zdan kechirilganida avtomobilning old o‘rindig‘i ostidan 997 gramm opiy giyohvandlik vositasi topildi. U mashinada yo‘lovchi sifatida ketayotgan I.M.ga tegishli ekani ma’lum bo‘ldi.
Mavzuga doir: Samarqand viloyatida uyida giyohvand modda va o‘qotar qurol saqlab kelayotgan shaxs aniqlandi
Mazkur holatlar yuzasidan O‘zbekiston Respublikasi Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.
Izoh (0)