Самарқанд вилоятида коллеж ётоқхонаси ўрнида ташкил қилинган ижтимоий уй комменданти ушбу бинодан бир хонали хонадон ажратишни ваъда қилиб, фуқарони алдашга уринган. Бу ҳақда Бош прокуратура ахборот хизмати «Дарё»га маълум қилди.
Бош прокуратура ҳузуридаги Департаментнинг Самарқанд вилояти бошқармаси томонидан ДХХ ходимлари билан ҳамкорликда ўтказилган тезкор тадбирда Самарқанд Агроиқтисодиёт касб-ҳунар коллежи ётоқхонаси ўрнида ташкил қилинган ижтимоий уй коменданти Л.Б. фуқаро С.Х.нинг ишончига кириб, юқори лавозимда ишловчи танишлари орқали мазкур коллеж ётоқхонасидан бир хонали хонадонни олиб бериш эвазига 4 минг АҚШ доллари миқдорида пулни олган вақтида ашёвий далил билан ушланган.
Мазкур ҳолат юзасидан Л.Б.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)