Quyosh yuzasida so‘nggi uch yil ichida eng kuchli portlash qayd etildi. Uni SDO orbital observatoriyasi qayd etgan, deb xabar beradi “Korrespondent.net”.
Portlash Quyosh “uyqudan turganini” bildiradi. Astronomik kuzatuvlarga ko‘ra, Quyoshda taxminan 11 yil davom etadigan qandaydir sikllar mavjud.
2017-yilning sentabr oyi oxirlarida mazkur yulduz yuzasida so‘nggi 15 yil ichida kuzatilgan rekord darajadagi portlash sodir bo‘lgandi, u X sinfi bo‘yicha 9,3 ga teng. Shundan so‘ng, Quyosh uch yil davomida “uxlagan”.
Yangi portlash M sinfiga oid bo‘lib, u X sinfidan bir darajaga kuchsiz hisoblanadi. Odatda bu kabi portlashlardan so‘ng, ancha kuchsiz portlashlar ham kuzatiladi, biroq bu safar bunday bo‘lmagan.
Astronomlar mazkur holatning ikkita ssenariysini ko‘rib chiqmoqda. Quyoshning keskin “uyg‘onishi” portlashlar sonining ortishi va kuchayishiga olib kelishi mumkin. Boshqa variantga ko‘ra, u yuz yillik yoki ming yillik faollikning minimumiga yaqinlashmoqda. Olimlar ushbu savollarga javobni keyingi kuzatishlar orqali olishga umid qilmoqda.
Izoh (0)