Қуёш юзасида сўнгги уч йил ичида энг кучли портлаш қайд этилди. Уни SDО орбитал обсерваторияси қайд этган, деб хабар беради «Korrespondent.net».
Портлаш Қуёш «уйқудан турганини» билдиради. Астрономик кузатувларга кўра, Қуёшда тахминан 11 йил давом этадиган қандайдир цикллар мавжуд.
2017 йилнинг сентябрь ойи охирларида мазкур юлдуз юзасида сўнгги 15 йил ичида кузатилган рекорд даражадаги портлаш содир бўлганди, у Х синфи бўйича 9,3 га тенг. Шундан сўнг, Қуёш уч йил давомида «ухлаган».
Янги портлаш М синфига оид бўлиб, у Х синфидан бир даражага кучсиз ҳисобланади. Одатда бу каби портлашлардан сўнг, анча кучсиз портлашлар ҳам кузатилади, бироқ бу сафар бундай бўлмаган.
Астрономлар мазкур ҳолатнинг иккита сценарийсини кўриб чиқмоқда. Қуёшнинг кескин «уйғониши» портлашлар сонининг ортиши ва кучайишига олиб келиши мумкин. Бошқа вариантга кўра, у юз йиллик ёки минг йиллик фаолликнинг минимумига яқинлашмоқда. Олимлар ушбу саволларга жавобни кейинги кузатишлар орқали олишга умид қилмоқда.
Изоҳ (0)