Texasda Ilon Maskning SpaceX kompaniyasi tomonidan yaratilgan Starship kosmik kemasi sinov vaqtida portlab ketdi. Ko‘ngilsiz hodisa Meksika chegarasi yaqinidagi Boka Chika poligonida sodir bo‘lgan, deb xabar qiladi Spaceflight Now.
Portlash Raptor dvigateli ishga tushirilganidan ikki daqiqa o‘tib sodir bo‘lgan. Raketa butkul yo‘q bo‘lib ketgan, uning qoldiqlari uchirish maydonchasi bo‘ylab sochilib yotibdi. Jarohat olganlar haqida ma’lumot yo‘q.
A prototype of SpaceX’s Starship violently exploded in South Texas moments after a test-firing of its Raptor engine Friday, dealing a setback to the company’s next-generation reusable rocket program (📷: @SpacePadreIsle).
— Spaceflight Now (@SpaceflightNow) May 29, 2020
READ MORE: https://t.co/UIzTPzPgy2 pic.twitter.com/m8JTVI44jd
Mask Starship kemasi 27-may kuni parvozi noqulay ob-havo sharoiti sabab qoldirilgan Falcon 9 raketasining o‘rnini egallashini xohlagandi. SpaceX rejasiga ko‘ra, Starship Oy va Marsga yuk tashib, yana Yerga qaytib kelishi kerak.
Ta’kidlash kerakki, bu prototiplar bilan sodir bo‘layotgan birinchi ko‘ngilsiz hodisa emas. Aprel oyining boshlarida Starship’ni suyuq azot bilan to‘ldirish vaqtida ham portlash sodir bo‘lgandi. 2019-yilning noyabrida esa Starship Mk1 germetiklikka sinov vaqtida portlab ketgan.
Izoh (0)