“Nezigar” Telegram kanali yengil vazn toifasida UFC chempioni Habib Nurmagomedov Dog‘iston prezidentligiga munosib nomzod ekani borasida maqola e’lon qildi.
“Dog‘iston rahbari uchun kerakli bo‘lgan jihatlar — bu ommaviy kelishuvlarda prinsipiallikni saqlab qolish, o‘zining obro‘-e’tibori bilan qoidalar ustuvorligini kafolatlash va bu bilan hududdagi barqarorlikni ta’minlash, yana muhim jihatlardan biri yoshlar bilan ishlash.
Bu borada Habib Nurmagomedov nomzodiga e’tibor qaratish qiziq bo‘ladi. Uning ijobiy tomonlari: pozitsiyasining aniqligi, region va undan tashqarida tan olingan “avtoritet”, yetakchilik qobiliyati, qoida va kelishuvlarga amal qilishdagi prinsipiallik. Bundan tashqari so‘nggi besh yillikda uni regionning muhim moliyaviy aktivlariga egalik qiluvchi shaxslar ro‘yxatiga ham kiritish mumkin.
Siyosiy mansabga intilmasligi — mansabga boylik orttirishning oson yo‘li deb qaramasligini anglatadi. Bu esa u hokimiyatning javobgarlik darajasini to‘g‘ri qabul qilishini anglatadi. O‘z navbatida bu jihat ikkita asosiy xavotirni yo‘qqa chiqaradi: boshqaruv yukini anglash kishining mulohazali ekanini anglatadi, vaziyatga javobgarlik hissi esa munofiqlikka yo‘l bermaydi.
Nurmagomedovning jahondagi obro‘si, auditoriyasining kengligi, xalqaro munosabatlaridagi daraja va tajribani inobatga olgan holda, bunday yosh kadrlarni davlat boshqaruvi tizimlarida tarbiyalash kelajakda region va mamlakatga tengsiz siyosiy hamda iqtisodiy dividendlar olib kelishi mumkin”, — deyiladi maqolada.
Mavzuga doir:
- Ben Askren MMA tarixidagi eng buyuk jangchilar ro‘yxatini tuzdi. Undan Habib o‘rin oldi, Konor esa yo‘q
- Habib Nurmagomedov koronavirusga test topshirishdan bosh tortdi
- Habib Nurmagomedov ham mag‘lubiyatga uchragan, faqat MMA’da emas (video)
- “Koronavirus sabab ko‘plab yaqinlarimni yo‘qotdim, Dog‘istonda ahvol juda og‘ir” — Habib Nurmagomedov vatandoshlariga murojaat yo‘lladi
Izoh (0)