«Незигар» Telegram канали енгил вазн тоифасида UFC чемпиони Ҳабиб Нурмагомедов Доғистон президентлигига муносиб номзод экани борасида мақола эълон қилди.
«Доғистон раҳбари учун керакли бўлган жиҳатлар — бу оммавий келишувларда принципиалликни сақлаб қолиш, ўзининг обрў-эътибори билан қоидалар устуворлигини кафолатлаш ва бу билан ҳудуддаги барқарорликни таъминлаш, яна муҳим жиҳатлардан бири ёшлар билан ишлаш.
Бу борада Ҳабиб Нурмагомедов номзодига эътибор қаратиш қизиқ бўлади. Унинг ижобий томонлари: позициясининг аниқлиги, регион ва ундан ташқарида тан олинган «авторитет», етакчилик қобилияти, қоида ва келишувларга амал қилишдаги принципиаллик. Бундан ташқари сўнгги беш йилликда уни регионнинг муҳим молиявий активларига эгалик қилувчи шахслар рўйхатига ҳам киритиш мумкин.
Сиёсий мансабга интилмаслиги — мансабга бойлик орттиришнинг осон йўли деб қарамаслигини англатади. Бу эса у ҳокимиятнинг жавобгарлик даражасини тўғри қабул қилишини англатади. Ўз навбатида бу жиҳат иккита асосий хавотирни йўққа чиқаради: бошқарув юкини англаш кишининг мулоҳазали эканини англатади, вазиятга жавобгарлик ҳисси эса мунофиқликка йўл бермайди.
Нурмагомедовнинг жаҳондаги обрўси, аудиториясининг кенглиги, халқаро муносабатларидаги даража ва тажрибани инобатга олган ҳолда, бундай ёш кадрларни давлат бошқаруви тизимларида тарбиялаш келажакда регион ва мамлакатга тенгсиз сиёсий ҳамда иқтисодий дивидендлар олиб келиши мумкин», — дейилади мақолада.
Мавзуга доир:
- Бен Аскрен MMA тарихидаги энг буюк жангчилар рўйхатини тузди. Ундан Ҳабиб ўрин олди, Конор эса йўқ
- Ҳабиб Нурмагомедов коронавирусга тест топширишдан бош тортди
- Ҳабиб Нурмагомедов ҳам мағлубиятга учраган, фақат MMA’да эмас (видео)
- «Коронавирус сабаб кўплаб яқинларимни йўқотдим, Доғистонда аҳвол жуда оғир» — Ҳабиб Нурмагомедов ватандошларига мурожаат йўллади
Изоҳ (0)