Shavkat Mirziyoyev 26-may, seshanba kuni investitsiya masalalari bo‘yicha o‘tkazgan videoselektor yig‘ilishida bosh vazir o‘rinbosarlariga kelgusi yil uchun Investitsiya dasturiga kiritiladigan loyihalar mezonlarini joriy etish yuzasidan topshiriq berdi. Bu haqda Prezident matbuot xizmati xabar qildi.
Bosh vazir o‘rinbosarlariga kelgusi yil uchun Investitsiya dasturiga birinchi navbatda yangi ish o‘rinlari yaratadigan va kambag‘allikni kamaytirishga yordam beradigan loyihalarni kiritish mezonlarini joriy etish topshirildi.
Obyekt qiymati, loyihalarning sifati va ularning kelgusidagi natijadorligi ko‘p jihatdan loyiha hujjatlariga bog‘liqligi, ularning aksariyati xalqaro talablarga javob bermaligi, xorijdan jalb qilingan kompaniya va mutaxassislar bu loyihalar asosida ishlay olmasligi tanqid qilindi.
Shu bois jahon standartlarini tezroq adaptatsiya qilish shartligi ta’kidlandi. Kelgusi yildan boshlab budjet mablag‘lari hisobidan yirik obyektlarni loyihalashdan tortib, ularni foydalanishga topshirishgacha bo‘lgan barcha jarayonlar xalqaro me’yorlar asosida amalga oshirilishi belgilandi. Shuningdek, loyihalashga mablag‘ ajratish bo‘yicha qo‘yilgan cheklovlar bekor qilinadi.
Qurilish vazirligiga loyiha hujjatlarini ishlab chiqish, qurish, ekspertizadan o‘tkazish bo‘yicha xalqaro standartlarni joriy etish yuzasidan topshiriqlar berildi. Bunda loyiha tashkilotlarining mualliflik va buyurtmachilarning texnik nazorat bo‘yicha mas’uliyati va javobgarligi ham aniq belgilanadi, deyilgan xabarda.
Mavzuga doir:
- Shavkat Mirziyoyev karantin choralarini kuchaytirishni buyurdi. Toshkent “qizil” hududga aylanishi mumkin
- Shavkat Mirziyoyev: Odamlar karantinning yumshatilganini “kasallik tugadi” deb, noto‘g‘ri qabul qilmoqda
- Shavkat Mirziyoyev Markaziy bankka kreditlash shartlarini soddalashtirish bo‘yicha topshiriq berdi
Izoh (0)