Peterburgda odam o‘g‘irlaganlikda gumonlanib 3 nafar o‘zbekistonlik qo‘lga olindi

Rossiyaning Sankt-Peterburgdagi Tergov qo‘mitasi odam o‘g‘irlash jinoyati yuzasidan tergov harakatlarini olib bormoqda. Jinoyat sodir etganlikda gumonlanib 3 nafar O‘zbekiston fuqarosi qo‘lga olingan.

Qayd etilishicha, jinoyatchilar Shushara qishlog‘idagi uylardan birining yonida jabrlangan erkakning kelishini poylab turgan, shundan so‘ng g‘ayrli maqsadda unga tashlanib, mashinaga o‘tqazib, qurilish bo‘layotgan joyga olib ketgan. U yerda esa erkakni quruvchilar turadigan vaqtinchalik turar joyga qamab qo‘yishgan.

Shu kunning o‘zida jabrlangan erkak politsiya tomonidan qutqarilgan. Ayni paytda gumonlanuvchilarni hibsga olish va ularga qarshi jinoiy ish qo‘zg‘atish masalasi hal etilmoqda.

Tergov harakatlari davom etmoqda.