Afrika qit’asida koronavirusga chalingan bemorlar soni 95 ming kishidan oshdi, qariyb uch ming kishi kasallik oqibatida vafot etdi. Bu haqda Jahon sog‘liqni saqlash tashkilotining mintaqaviy vakolatxonasiga tayanib, “RIA Novosti” xabar berdi.
JSST ma’lumotlariga ko‘ra, epidemiya boshlanganidan buyon Afrika qit’asida 95 332 kishi koronavirus infeksiyasini yuqtirib olgan. COVID-19 bilan kasallangan kamida 2995 nafar bemor vafot etgan. 34 ming nafardan ortiq bemor kasallikdan tuzalishga muvaffaq bo‘lgan.
Eng ko‘p kasallanish holatlari Janubiy Afrika Respublikasi (18 003), Misr (14 229), Jazoir (7542), Marokash (7133), Nigeriya (6677) va Ganada (6096) qayd etilgan.
Eng ko‘p o‘lim holatlari esa Misr (680 ta), Jazoir (568 ta) va Janubiy Afrika Respublikasida (339 ta) kuzatilgan.
Izoh (0)