Африка қитъасида коронавирусга чалинган беморлар сони 95 минг кишидан ошди, қарийб уч минг киши касаллик оқибатида вафот этди. Бу ҳақда Жаҳон соғлиқни сақлаш ташкилотининг минтақавий ваколатхонасига таяниб, «РИА Новости» хабар берди.
ЖССТ маълумотларига кўра, эпидемия бошланганидан буён Африка қитъасида 95 332 киши коронавирус инфекциясини юқтириб олган. COVID-19 билан касалланган камида 2995 нафар бемор вафот этган. 34 минг нафардан ортиқ бемор касалликдан тузалишга муваффақ бўлган.
Энг кўп касалланиш ҳолатлари Жанубий Африка Республикаси (18 003), Миср (14 229), Жазоир (7542), Марокаш (7133), Нигерия (6677) ва Ганада (6096) қайд этилган.
Энг кўп ўлим ҳолатлари эса Миср (680 та), Жазоир (568 та) ва Жанубий Африка Республикасида (339 та) кузатилган.
Изоҳ (0)