Qozog‘istonda koronavirusga chalinish bo‘yicha yana 154 ta holat qayd etildi, deb xabar beradi Tengrinews.
Ma’lumotlarga ko‘ra, mamlakatda koronavirus bilan kasallanganlarning jami soni 5571 kishiga yetgan, hozirga qadar 2408 bemor davolanishga muvaffaq bo‘lgan. Bemorlarning 32 nafari COVID-19 qurboniga aylangan. Ta’kidlanishicha, kasallikning ortish sur’ati 2,8 foizni tashkil etmoqda. Quyida respublikaning viloyatlarida koronavirus bilan kasallanish holatlari qayd etilgan:
- Nur-Sulton — 1148;
- Olmaota — 1678;
- Qizilo‘rda viloyati — 231;
- Atirau viloyati — 457;
- Qarag‘anda viloyati — 204;
- Aqmo‘la viloyati — 110;
- Olmaota viloyati — 190;
- Turkiston viloyati — 196;
- Jambil viloyati — 199;
- Aqto‘be viloyati — 184;
- Shimoliy Qozog‘iston viloyati — 36;
- Chimkent — 250;
- Sharqiy Qozog‘iston viloyati — 55;
- G‘arbiy Qozog‘iston viloyati — 272;
- Pavlodar viloyati — 155;
- Ko‘stanay viloyati — 68;
- Mang‘istov viloyati — 138 ta holat.
Mavzuga doir: Qozog‘istonda aholiga karantin sabab ketma-ket ikkinchi oy salkam 100 dollardan yordam puli tarqatiladi
“14-may holatiga ko‘ra, COVID-19 bilan kasallanish bo‘yicha yana 38 ta holat qayd etildi”, — deydi respublika tezkor shtab vakili.
Uning so‘zlariga ko‘ra, kasallarning olti nafari — tibbiyot xodimlari. O‘tgan bir sutka ichida 9 nafar bemorga statsionarlardan javob berilgan. Qirg‘izistonda koronavirus bilan kasallanganlarning jami soni 1082 kishiga yetgan, ularning 247 nafari — tibbiyot xodimlari. Hozirga qadar 735 bemor sog‘aygan, 12 kishi virus qurboniga aylangan.
Eslatib o‘tamiz, 4-may kuni O‘zbekiston Prezidenti Shavkat Mirziyoyev Qirg‘iziston prezidenti So‘ronboy Jeenbekov bilan telefon orqali muloqot qilib, koronavirusga qarshi kurashdagi hamkorlik masalalarini muhokama qilgandi.
Izoh (0)