Qozog‘istonda koronavirusga chalinganlar soni 5126 kishiga yetdi

Qozog‘istonda koronavirus bilan kasallanish bo‘yicha yana 63 ta holat qayd etildi, deb xabar beradi Tengrinews.

Qozog‘iston poytaxtidan tashqari quyidagi hududlarda ham kasallar aniqlangan:

• Olmaota — 10;
• Nur-Sulton — 8;
• Mang‘istov viloyati — 8;
• Atirau viloyati —3;
• G‘arbiy Qozog‘iston viloyati — 3;
• Shimoliy Qozog‘iston viloyati — 2;
• Kostanay viloyati — 1;
• Aqmo‘la viloyati — 1.

Butun mamlakat bo‘ylab COVID-19 koronavirus infeksiyasi bilan kasallanganlar soni 5126 kishiga yetdi, 1941 nafar bemor sog‘ayishga muvaffaq bo‘lgan. Hozirga qadar 31 bemor COVID-19 qurboniga aylangan. Respublikaning quyida viloyatlarida koronavirus bilan kasallanish holatlari qayd etilgan:

• Nur-Sulton — 1074;
• Olmaota — 1590;
• Qizilo‘rda viloyati — 229;
• Atirau viloyati — 302;
• Qarag‘anda viloyati — 191;
• Aqmo‘la viloyati — 110;
• Olmaota viloyati — 183;
• Turkiston viloyati — 180;
• Jambil viloyati — 179;
• Aqto‘be viloyati — 172;
• Shimoliy Qozog‘iston viloyati — 36;
• Chimkent — 233;
• Sharqiy Qozog‘iston viloyati — 51;
• G‘arbiy Qozog‘iston viloyati — 252;
• Pavlodar viloyati — 154;
• Ko‘stanay viloyati — 62;
• Mang‘istov viloyati — 128 ta holat.

Eslatib o‘tamiz, Qozog‘istonda favqulodda holat rejimi 11-maygacha uzaytirilgan. Shu sababli aholiga ketma-ket ikkinchi oy salkam 100 dollardan yordam puli tarqatilgan. 20-apreldan boshlab Nur-Sulton va Olmaotada karantin rejimi yengillashtirilgan, sanoat korxonalari, qurilish sohasi va ayrim xizmat ko‘rsatish tarmoqlari o‘z faoliyatini qayta yo‘lga qo‘ygan.

O‘zbekistonda esa 11-may soat 10:00 holatiga ko‘ra, koronavirusga chalinganlar soni 2453 nafarga yetdi. Mamlakatda koronavirus infeksiyasi ilk bor qayd etilgan 15-martdan buyon 1881 kishi kasallikdan sog‘aydi, 10 kishi esa infeksiya asoratlari oqibatida vafot etgan.