Қозоғистонда коронавирусга чалинганлар сони 5126 кишига етди

Қозоғистонда коронавирус билан касалланиш бўйича яна 63 та ҳолат қайд этилди, деб хабар беради Tengrinews.

Қозоғистон пойтахтидан ташқари қуйидаги ҳудудларда ҳам касаллар аниқланган:

• Олмаота — 10;
• Нур-Султон — 8;
• Манғистов вилояти — 8;
• Атирау вилояти —3;
• Ғарбий Қозоғистон вилояти — 3;
• Шимолий Қозоғистон вилояти — 2;
• Костанай вилояти — 1;
• Ақмўла вилояти — 1.

Бутун мамлакат бўйлаб COVID-19 коронавирус инфекцияси билан касалланганлар сони 5126 кишига етди, 1941 нафар бемор соғайишга муваффақ бўлган. Ҳозирга қадар 31 бемор COVID-19 қурбонига айланган. Республиканинг қуйида вилоятларида коронавирус билан касалланиш ҳолатлари қайд этилган:

• Нур-Султон — 1074;
• Олмаота — 1590;
• Қизилўрда вилояти — 229;
• Атирау вилояти — 302;
• Қарағанда вилояти — 191;
• Ақмўла вилояти — 110;
• Олмаота вилояти — 183;
• Туркистон вилояти — 180;
• Жамбил вилояти — 179;
• Ақтўбе вилояти — 172;
• Шимолий Қозоғистон вилояти — 36;
• Чимкент — 233;
• Шарқий Қозоғистон вилояти — 51;
• Ғарбий Қозоғистон вилояти — 252;
• Павлодар вилояти — 154;
• Кўстанай вилояти — 62;
• Манғистов вилояти — 128 та ҳолат.

Эслатиб ўтамиз, Қозоғистонда фавқулодда ҳолат режими 11 майгача узайтирилган. Шу сабабли аҳолига кетма-кет иккинчи ой салкам 100 доллардан ёрдам пули тарқатилган. 20 апрелдан бошлаб Нур-Султон ва Олмаотада карантин режими енгиллаштирилган, саноат корхоналари, қурилиш соҳаси ва айрим хизмат кўрсатиш тармоқлари ўз фаолиятини қайта йўлга қўйган.

Ўзбекистонда эса 11 май соат 10:00 ҳолатига кўра, коронавирусга чалинганлар сони 2453 нафарга етди. Мамлакатда коронавирус инфекцияси илк бор қайд этилган 15 мартдан буён 1881 киши касалликдан соғайди, 10 киши эса инфекция асоратлари оқибатида вафот этган.