UzReport телеканали футбол бўйича Жанубий Корея чемпионати трансляция ҳуқуқини қўлга киритди. Бу ҳақда телеканал расмий сайтида маълум қилинди.
Таъкидланишича, Кей-Лига чемпионлиги учун асосий даъвогарлар иштирокидаги баҳсларни трансляция қилиш режалаштирилган. Телеканалнинг илк намойиши 10 май, шанба куни бўлиб ўтадиган «Канвон» — «Сеул» учрашуви бўлади. Икром Алибоев жамоаси иштирокидаги баҳс Тошкент вақти билан 12:30 да бошланади.
8 май санасида старт олган Кей-Лигада тўрт нафар ўзбекистонлик футболчилар иштирок этади. Улар: Икром Алибоев («Сеул»), Жамшид Искандаров («Соннам»), Рустам Ашурматов («Кванжу») ва Достон Турсунов («Пусан Ай Парк»).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)