Buxoro viloyatida koronavirusga chalingan navbatdagi 7 nafar bemor to‘liq sog‘aydi va viloyat sog‘liqni saqlash boshqarmasi mas’ullari ishtirokida reabilitatsiyaga kuzatildi, deb xabar bermoqda Sog‘liqni saqlash vazirligi.
Tuzalganlarning hammasi Rossiyadan charter reys bilan Buxoroga olib kelingan va karantinga olingan. Ularda koronavirus infeksiyasi borligi tasdiqlangach, shifoxonaga joylashtirilgan.
Kasallikdan forig‘ bo‘lganlarning 2 nafari Farg‘onadan, Jizzax, Buxoro, Qashqadaryo va Andijon viloyatlari va Toshkent shahridan 1 nafardan. Ularning barchasi erkak, eng yoshi kattasi 41 da bo‘lsa, eng kichigi 16 yoshda.
Buxoro viloyati bo‘yicha shu paytga qadar 325 nafar bemor sog‘aygandi, endi ularning soni 332 nafarga yetdi.
2020-yil 3-may soat 14:30 holatiga ko‘ra O‘zbekistonda COVID-19 infeksiyasidan sog‘ayganlar soni 1278 nafarni tashkil qilgan.
Avval 3-may soat 15:00 holatiga ko‘ra, koronavirus infeksiyasini yuqtirib olganlar soni 2136 nafarni tashkil etgani ma’lum qilingandi.
O‘zbekistonda 15-martdan buyon koronavirusga chalingan bemorlarning o‘n nafari vafot etdi.
Qayd etish joiz, 28-apreldan buyon sog‘ayganlar soni ayni vaqtda kasallikdan davolanayotganlar sonidan ko‘p bo‘lib turibdi.
Izoh (0)