Ispaniyaning Marca nashri futbol tarixidagi eng omadsizlar reytingini tuzib chiqdi.
Unda “Barselona” klubi va Argentina terma jamoasi sobiq yarim himoyachisi Xavyer Maskerano birinchi o‘rinni qo‘lga kiritdi. Futbolchi faoliyati davomida 11 ta finalda mag‘lub bo‘lgan — 5 marta terma jamoa safida, 6 bor klub miqyosida.
Ikkinchi pog‘onadan “Manchester Yunayted” va Fransiya terma jamoasi sobiq himoyachisi Patris Evra o‘rin oldi. Evra Chempionlar Ligasida eng ko‘p (4 marta) mag‘lub bo‘lgan futbolchi hisoblanadi. Kuchli uchlikni “Chelsi”, “Real” va “Bavariya” sobiq yarim himoyachisi Aryen Robben yakunlab berdi. Niderlandiyalik futbolchi faoliyati davomida oltita finalni boy bergan (2 — YChL, 3 — Superkubok, bir marta JCh—2010).
Kuchli beshlikdan O‘zbekiston terma jamoasi sobiq bosh murabbiyi Ektor Kuper ham o‘rin oldi. Argentinalik mutaxassis faoliyati mobaynida oltita finalda yutqazgan bo‘lib, ularning ikkita “Valensiya” bilan Chempionlar Ligasi finaliga to‘g‘ri keladi.
Shuningdek, quyidagi futbol olami vakillari o‘nlikdan o‘rin oldi:
- Mixael Ballak. Oltita finalda yutqazgan
- Ektor Kuper. 6 ta finalni boy bergan
- Alessandro Del Pero. Uchta YChL va Yevro—2000 finalida yutqazgan
- Lotar Matteus. Jahon Chempionati va YChLda ikki martadan mag‘lub bo‘lgan
- Gonsalo Iguain. YChL va ikkita Amerika Kubogida yutqazgan
- Janluiji Buffon. Uch bor YChL finalida mag‘lub bo‘lgan
- Antoni de Avila. Ikki bor Libertadores Kubogini boy bergan
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)