Tuzatish: Xabarning dastlabki tahririga “Qurilish vazirligi qurilayotgan karantin zonalari kelgusida ko‘p tarmoqli shifoxonalarga aylantirilishi mumkinligini ma’lum qildi” deya sarlavha qo‘yilgan, shuningdek, xabarga O‘rtasaroyda qurilgan karantin zonasi surati ilova qilingan edi. Bu xato — karantin zonalari ko‘p tarmoqli shifoxonalarga aylantirilmaydi. “Daryo” tarqatilgan xato axborot uchun mushtariylardan uzr so‘raydi.
Bu haqda 22-aprel kuni AOKAda o‘tkazilgan brifingda Qurilish vazirligi matbuot kotibi Jamoliddin Qalandarov ma’lum qildi.
Demak, bugungi kunda Koronavirusga chalingan bemorlarni davolash yuzasidan berilgan topshiriq ijrosini ta’minlash bo‘yicha Qurilish vazirligi tomonidan Toshkent shahri va Toshkent hamda Namangan viloyatlarida qurilish ishlari olib borilyapti. Ulardan eng kattasi, Zangiota tumanida bunyod etilayotgan maxsus shifoxona bo‘lib, bu yerda ishlar ikki smenada tashkil etilgan. Ayni vaqtda qurilish jadal olib borilyapti. Ishning ko‘lami juda ham katta. Ishlar barcha bosqichlarda parallel tashkil etilgan, xususan binolarning poydevor ishlari, metall karkaslar montaji, sendvich panelli devorlar o‘rnatilishi, ichki pardozlash ishlari va muxandislik tarmoqlarini o‘rnatish ishlari amalga oshirilayapti. Shu yilning 5 mayiga qadar 2 000 o‘ringa mo‘ljallangan blok foydalanishga topshirilishi ko‘zda tutilgan. Bugungi kunda ob’ektga 2550 ga yaqin ishchi, muhandislar va 600 dan ortiq og‘ir texnika jalb qilingan.Qolaversa, poytaxtimizning o‘zida ikkita joyda, 3 ta shifoxonaning qurilish ishlari olib borilyapti. Namangan viloyati Pop tumani G‘urumsaroy qishlog‘ida 150 o‘rinli maxsus shifoxona qurilish ishlari boshlab yuborilgan.
Barchangizga ma’lum, ayni kunlarda Toshkent viloyatining Yuqori Chirchiq tumanida 53 ga yer maydonida umumiy sig‘imi 20 000 o‘rinli aholini vaqtincha karantinda saqlash majmuasi qurilyapti. Obyektning 10 000 o‘ringa mo‘ljallangan birinchi qismi foydalanishga topshirilib, karantin uchun odamlar joylashtirildi. Shu kungacha ikkinchi qismining 8 000 o‘rinli joyi qurib bitkazildi. Obyekt qisqa muddatlarda to‘liq foydalanishga topshiriladi. Bugungi kunda u yerda 3000dan ortiq ishchi va muhandislar, 200 ga yaqin texnika ishlamoqda.
Karantin zonalarining kelajagi haqida gapirganda aytish kerakki, ushbu majmualar karantin xolati yakunlangach, Sog‘liqni saqlash vazirligi hamda Sanitariya epidimiologik osoyishtalik agentliklari bilan kelishgan xolda samarali ishlatilishi tashkil etiladi. Pudrat tashkilotlari quruvchilari uchun vaqtincha yashash manzili sifatida ham foydalanish mumkin.
Jamoliddin Qalandarov, Qurilish vazirligi matbuot kotibi
Mavzuga doir:
- Islom taraqqiyot banki O‘zbekistondagi yangi klinikalarni jihozlashga 17 mln dollar yo‘naltirdi
- Koronavirusga qarshi kurash shtabi: “O‘zbekiston koronavirus bo‘yicha istalgan voqealar rivojiga tayyor”
- Bir karantin xonasida yashaydigan 3-4 kishi orasida virus aniqlansa, boshqalar uchun ham karantin muddati uzaytirilishi ma’lum qilindi
Izoh (0)