Taniqli insayder Jon Prosser ekranidagi “qosh” kichraygan yangi ayfon suratini e’lon qildi, deb yozadi Hi-Tech.Mail.ru.
Apple kichkina “qosh”ga old kamera, dinamik, yaqinlashtirish datchigi, Face ID va boshqa sensorlarni joylashtirdi.
Ekrandagi “qosh” 2017-yildan beri Apple telefonlari ramziga aylangan. O‘shanda “qosh” ilk marta iPhone X’ga qo‘yilgan edi.
O‘shandan beri Apple “hoshiyasiz” displeylarga o‘tdi hamda bosiladigan Home tugmasidan voz kechdi.
“Qosh” nafaqat amalda qo‘llaniladigan funksiyalarni, balki dizaynerlik funksiyasini ham bajaradi. Shu “qosh” tufayli iPhone boshqa smartfonlardan ajralib turadi.
“Qosh” shakli va joylashuv o‘rni 2017-yildan beri o‘zgarishsiz qolayotgan edi. Kompaniya hozirgi kunga kelib uni o‘zgartirishga qaror qildi. Yangi “qosh” juda kichik joyni egallaydi, telefonning boshqa hoshiyalari ham kichikroq bo‘ladi. Bu kompaniyaga qulay smartfon taqdim etish imkonini beradi.
Izoh (0)